أخر تقارير الدويقه
كل حاجه أخر تمام
غيروا إسم الدويقه
إسمها دويقة السلام
إسم صالح للمسمي
زي عبارة السلام
كل الرعايا في الدويقه
مبسوطين تحت الركام
كلهم واكلين مشلتت
وايا بط أو حمام
إنت حاكم
إنت راكب
إنت ماسك اللجام
واخترعتم في الدويقه
حل سحري للزحام
يعني إيه كام ميه ماتو
المصري عندك يسوي كام؟؟؟
إحنا في خدمة سيادتك
كلنا رابطين حزام
كلنا بندعي لسيادتك
إطمئن إرتاح ونام
وأخيرا طب شخيرا
كل كارثه وانت طيب
وكل كارثه فيه كلام
فرصه لناس تافهه زيي
يقولو شعر بانتظام
فرصه لأمن الدوله ينشط
في ممارسة الإنتقام
فرصه لكتاب الحكومه
يبيعو كوسه للنظام
أنت فوق المسؤليه
إنت فوق الإتهام
إنت ديب واحنا ضحيه
هو دا أخر الكلام
كل فرد في الدويقه
نفسو يبني لك مقام
للشاعر/ أحمد خفاجي
2 التعليقات:
الله عليك يا ابو اس اس
:D
Post a Comment