وصلنا الجامعة في الصباح الباكر .. أول مشهد تقع عليه عينيك هو الجامعة الخالية من الطلاب والمحتلة من قبل قوات الحرس الجامعي وأمن الدوله .. رحنا كلية تجاره علشان نبدأ لقينا ان المكان اللي مفترض نبدأ منه تحركنا محتل بواسطة أكثر من 30 ضابط شرطة .... ده غير ان اتحاد الطلبة الرسمي عمل كل حاجة علشان يخرب المظاهره من أول انه يلعب كرة قدم في ساحة كلية تجارة مع ان ملاعب الجامعة على بعد أقل من 150 متر ... ! ولغاية ضرب بعض الطلبة بالأحزمة في كليتي التجارة والحقوق .
فضلنا نلف في الجامعة شوية وبعد كده قررنا نبتدي من كلية الآداب .. وبسرعة قبل ما الأمن يمنعنا .. فرشنا المعرض وابتدينا نقول شعر ونهتف ... فالطلبة اتجمعوا حوالينا وماعادش الأمن يقدر يغلس علينا بشكل مباشر فنظموا في ظرف 3 دقايق بطوله لتنس الطاوله -قالوا للعيال تعالوا العبوا ببلاش- ده غير انه كان فيه لجنه من لجان الاتحاد الرسمي -بتاع الأمن- بتعمل نشاط في منطقة بعيده عن المكان اللي بدأنا منه ... فجأه وفي ظرف دقيقتين لاقيناهم لازقيين في المعرض بتاعنا وهات يا زعيق ودوشه لكن احنا كان صوتنا أعلى ومنطقنا أقوى وهدفنا أكبر ... وعلشان كده هما زهقوا وبطلوا دوشه لأن الطلبه كده كده كانت بتييجي على الدوشة وبعدين ييجوا على المعرض وينضموا للحشد
بداية المعرض
بدأ الطلبة يتوافدون لقراءة المعرض
رجعوا التلامذه ياعم حمزه للجد تاني
عدد الطلبة في تزايد مستمر
طلبة أكتر وأكتر
نقطة الانطلاق - كلية الآداب
ياحضرة الظابط .... انت كَّداب واللي باعتك كمان كَّدابمش بالظلم هاشوفكم غير ... أو هاسترجي منكم خير
انتوا كلاب الحاكم ... واحنا الطير
انتوا لصوص القوت ... واحنا بنبني بيوت
احنا ولاد الكلب الشعببتوع الجوع والنضال والطريق الصعب
والضرب ببوز الجزمة وسن الكعب
والموت في الحرب
كلية سياسة واقتصاد أمرها عجيب .... مع انها الكلية الوحيدة المتخصصة في دراسة السياسة والاقتصاد في الجامعة الا انها شاركت بأقل عدد ممكن من الطلبة في المظاهرة ... عيب عليكوا
بعض الطلبة اكتفوا بمشاهدة ما يجري من شبابيك المدرجات وكأنه ماتش كوره ... وبعض الطلبه شاركوا معانا
الأمن مرعوب من الطلبة ... لدرجة انه كان فيه خمسة صفوف من مجندي الأمن المركزي مرصوصين ورا بعض أمام الباب الرئيسي بعد ما سمعنا ان طلاب حركة مقاومة كسروا الباب في حلوان وطردوا الأمن بره الجامعةتفاصيل وصور من مدونة حركة مقاومة جامعة حلوان .. هـــنــــا
سامع صوت المكن الداير .... بيقول بس كفاية مذلةنفس الصوت اللي فـ جامعتنا .... بيقول شدي الحيل يامحله
المظاهرة من قرب باب المترو و كلية الآثار ... لحد ساحة كلية التجارة عند الجامعأعداد مهولة من الطلبة
من الهتافات
صابر عامل من المحلة .... واحمد عامل من أسوان
جرجس عامل من أسيوط ... وسعيد عامل في حلوان
وبيشتغلوا اتناشر ساعة .... ويطبقوا في الشغل كمان
ويطلعوا انتاج مظبوط ... يتصدر ويجيب ملايين
تدخل كرش صحاب المصنع
والعمال يقبضوا ملاليم
انتهت المظاهرة بمؤتمر طلابي تحدثت فيه جميع التيارات المشاركة في المظاهرةالطلاب الاشتراكيون
طلاب حركة حقي
الطلاب الليبراليون
طلاب رابطة العمل الاسلامي
الطلاب الناصريون
3 التعليقات:
wow .... 7aga tffr777777..
7a2e2y shee2 ra23 .. a3tkd n el
3add yt5taa el alf bkteer ya rafeek ,bgdd mghooood 3azeeeem gddn
isa daymn kdaaa :D
خلص السكات
خلص السكات...قَطْر الكلام قايم
يحيي اللي مات..ويفوق النايم
يرخي الستار..على أمسنا الغايم
يختم فصول..من قهر وهزايم
خلص السكات..
.قَطْر الكلام قايم
***
خلص السكات ..وما عادش له معنى
مر الحياة..والقهر يمنعنا
كلمة نعم..ذلتنا في حياتنا
وهنموت بعار..لولم نقول لأه
***
خلص السكات..والعضّ على الشفايف
ظل الحيطان..ما عاد يغيث خايف
بان للعيان..والكل بات عارف
كم من جبان ..من دمنا غارف
لو خفنا منه زمان.. بقى مننا خايف
اوعاكم تقولوا الشعب مات
أو راضي بالمظالم
خلص السكات
.قَطْر الكلام قايم
***
خلص السكوت ..واتكلم العامل
حطم قيود..المارد الخامل
في موقعه وفي مصنعه..يقلق عدوه ويوجعه
صوت العنابر في المحلة..صار كل مصري بيسمعه
يغزل خيوط الأمنيات
ويجدل العزايم
خلص السكات
.قَطْر الكلام قايم
***
خلص السكات..واتكلم الفلاح
جذره في ارضه..وفي إيده فاسه سلاح
دي أرضنا..بختم العرق
بوجودنا..مش حبر و ورق
تصبح قبور..ولا تنسَرَق
أرضي وعرضي للممات
ما افوتها للظالم
خلص السكات
.قَطْر الكلام قايم
***
خلص السكات..واتكلموا الطلبه
تركوا الشاتات..والموضة والغلبة
انفتحت ساحات..للشاب والشابة
يمشوا الطريق..في رفاقة ومحبة
ماضي الحسام..ماتمنعه عقبه
ما احلى الولاد جنب البنات
ده بكره له نسايم
خلص السكات
.قَطْر الكلام قايم
****
خلص السكات...قَطْر الكلام واصل
إسمع هدير الإضرابات..هيلخص الحاصل:
اصحى يا مصري من كل مله..قول حي على العصيان
اصنع مناجل من الأهلةوسيوف من الصلبان
فوقوا يا فقرا في بر مصر..يانوبي ياعُربان
قصتنا قهر وجوع وفقر..مش لون ولا أديان
خلص السكات
خلص الكلام
.قَطْر الثورة واصل
.قَطْر الثورة واصل
http://haneen-lbokra.blogspot.com/
على فكرة طلبة سياسة واقتصاد نصهم كان مضرب ومنزلش من بيته
وربع كان بيمتحن جوا ...ومطحون ميد ترمز...
والربع اللى كان بيصور ...
بس فعلا 98% من طلبة سياسة مش موجودين يومها..
Post a Comment